Жарқамыс  орта  мектебінің  тарихы

Мектеп  1928 жылы  Карл  Маркс  атындағы  шаруа жастар мектебінің негізінде құрылды. Сөйтіп Жарқамыста бастауыш мектеп шәкірттерге өз есігін ашты.

1930-1931жылдары ауданда  40 бірінші басқыш мектеп жұмыс істеп , оларда 1414 бала оқыды.

Карл Маркс атындағы шаруа жастар мектебі 1934 жылы 7жылдыққа айналды. 1936ж Жарқамыс орта мектебі болып аталды. Мектептің алғашқы директоры Хайрулла Маханов болды.1941-1942 оқу жылында мектепте 10 класс ашылды.Алғашқы шәкірттері арасында Қазақстанға белгілі тұлға Рабиға Құтқожина болған.Мектебімізде Кеңес Одағының батыры Қожағали Жазықов , жауынгерлік "Даңқ" орденінің толық игері Сәрсенғали Ешбаев оқыған.

Жарқамыс орта мекетебін бітірушілер арасында алғаш аттестат алғандар қатарында елге танымал азаматтар Нұрман Қорбин , Кния Сәтенова болды. Осы мектетің түлегі болып ұшқандар арасында физика-математика ғылымдарының докторы Назарбай Былиев,   Ілияс Тәжімұратов , Нұраш Көпесов , Қалау Бақытов , ақын -жазушылар Бәкір , Тобық Жармағанбетов , Өтежан Нұрғалиев , Сағи Жиенбаев , Есенбай Дүйсенбаев, Сәбит Баймолдин, Мәди Айымбетов , Ибадулла Сұлтанов т.б бар.

Жарқамыс орта мектебі құрылған уақытынан бастап оқу материалдық базасы біртіндеп өсу үстінде болған. Мектеп ішін 40жылдары оқу корпустары , интернат жатақханалары , шеберханалар салынған. Оқу кабинеттері қажетті техникалық көрнекі құралдармен жабдықтала бастаған.

1936 жылы орта мектеп болып құрылғаннан кейін орыс тілін жетік меңгерген Жайылхан Кенетаев 1937-1940жылдар аралығында мектеп директоры болып жұмыс жасайды.

Соғыс басталар алдында Садық Аймағанбетов директор болады.  22 маусым күні Ұлы Отан соғысы басталған кезде еңбек демалысында жүрген барлық мұғалімдер жұмысқа шақырылады. Елді қорғау үшін көбі майданға аттанады. Олар: Ғ.Мырзалин, Ж.Қонақбергенов, Б.Әділов, Қ.Жазықов, О.Шанин , Қ.Көптілеуов, Б.Наурызбаев , Ж.Мұқашев, Б.Қайыров , А.Ешпанов, Ә. Іскендіров, Ғ.Ыбыраев, Б. Тәжіғұлов, С.Есенбаев, .Тілегенов , Ж.Амандықов , С.Нұрмағанбетов, М.Мергенбаев , С.Жиенбаев , М.Ауқатбаев т.б мұғалімдер майданға аттанды. Осы жылдары мектептегі жағдай қиындаған.

Соғыс жылдарында білім беру саласында көптеген ұстаздар қиындықтарды жеңе отырып,оқу-тәрбие жұмысын дамытуға еңбек сіңірген. Олардың ішінен А.Қонарбаева , І.Мырзағұлова секілді мұғалімдерді атауға болады.

Бастауыш мектептер орта мектепке айнала бастағанда соғыс басталды. Және де мектептер әліппелік реформа қиындықтарына тап болды. Бұл  1930жылдары араб әріптерін қолданған оқушылар үшін ауыр болды.Тіпті мұғалімдердің өзі қайта дайындықтан өтуі керек болғаны жасырын емес. Мектепті латын әріпінен бастаған оқушылардың көбі жаңа әліппені игеріпте үлгермеген.

Дұшпанға қарсы күресте жауған оққа өқарсы кеудесін тосқан сарбаз ұстаздар сан жарақат алып елге келді. Олар қайтадан ұстаздық іске араласа бастады. Әскерден келгендер Ақтөбе, Орал педагогикалық оқу органдарына түсіп,бір қатары өндірістен қол үзбей, білімін көтерді. Аудан мектептерінде майдангерлер С.Жиенбаев ,Б.Әбілов, Б.Тәжіғұлов , Қ.Жазықов , М.Жамантаев , Ө. Өтепбергенов, Қ.Тілегенов, М.Ауқатбаев келіп мұғалімдік жұмысқа кірісті.

1951жылдан бастап Жарқамыс орта мектебінде жаңа қадамдар жасалды. Осы мектепте Ниетжан Беріковтің директор болып келуімен байланысты. Іске батыл кіріскен басшы тәжірбиелі ұстаздарды мектепке жан-жақтан шақырды.Кадр сапалық білім жағынан өсе бастады. бұдан соң мектептерде ауданның түлектері Н.Қорбин , О:Мұңайтпасов, Қ.Тажбағанбетов, Т.Дүйсенбин , Н.Мұқанов т.б жоғарғы білімді мұғалімдер келе бастады. Соның арқасында мектептке мақтаныш болар медалистер шыға бастады. Алтын медальді Е.Тасыбаев , С.Сағиева , А.Жылқыбаев , Б.Құлжанов, З.Тәмпіл алса , күміс медальға Ж.Жұмағалиев,А.Жұбаналин, А.Алдабергенов ,Б.Жәумітов ие болды.Кейін Г.Алпысбаева деген түлегіміз алтын белгі иегері атанды.